YAP Suraxanı rayon təşkilatının nümayəndələri Şəhid Orxan Hüseynovun övladının ad günündə iştirak etmişlər
07 fevral şəhid baş leytenant Hüseynov Orxan Bəhmən oğlunun övladı Muradın 5 yaşı tamam olur. Şəhidimizin övladının doğum günü ilə əlaqədar Yeni Azərbaycan Partiyası Suraxanı rayon təşkilatının sədri Vüqar Seyidov və təşkilatın nümayəndələri ailəni ziyarət etmiş, ailənin qayğıları ilə maraqlanmışlar
Şəhidin oğlu Muradın ad günündə qəhrəman vətən övladlarına, onların ailələrinə qayğı göstərməyə cəmiyyətimizin daima borclu olduğunu ifadə edən YAP Suraxanı rayon təşkilatının sədri Vüqar Seyidov cənab Ali Baş Komandan İlham Əliyev tərəfindən bütün şəhidlərimiz kimi baş leytenant Hüseynov Orxanın da xatirəsinin əziz tutulduğunu vurğulamışdır. Yerli təşkilatın sədri Ali rəhbərin Vətən Müharibəsi şəhidlərinə və onların ailələrinə olan diqqətinin hər kəsə nümunə olduğunu bildirmişdir. Daha sonra Vüqar Seyidov YAP Suraxanı rayon təşkilatının çoxminli üzvləri adından 5 yaşını qeyd edən balamıza hədiyyələr təqdim etmişdir.
Qeyd edək ki, şəhid baş leytanant Hüseynov Orxan Bəhmən oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə 3-cü dərəcə “Vətənə xidmətə görə” ordeni, “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilmişdir.
Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.
