YAP Suraxanı rayon təşkilatı Şəhid əsgər İsabala Hüseynovun ailəsini diqqət mərkəzində saxlayır

22 noyabr 2021-ci il tarixdə Yeni Azərbaycan Partiyası Suraxanı rayon təşkilatının inzibati binasında təşkilatın sədri Vüqar Seyidov şəhid əsgər Hüseynov İsabalanın atası Ceyhun Hüseynovu qəbul etmişdir. Birinci Qarabağ Müharibəsi qazisi olan Ceyhun Hüseynovun səhhətində yaranmış problemlərlə maraqlanan təşkilat sədri şəhidimizin ailəsinin qayğılarını şəxsi nəzarətinə götürdüyünü bildirmişdir. Yerli təşkilatın sədri Vüqar Seyidov və Ceyhun Hüseynov birgə şəhidimiz İsabalanın Əmircan qəsəbəsi  Şəhidlər Xiyabanındakı əbədi istirahətgahını ziyarət etmiş, məzarı üzərinə tər güllər düzərək və dualar oxumuşlar.

Daha sonra Yeni Azərbaycan Partiyası Suraxanı rayon təşkilatının nümayəndələri Ənvər Haqverdiyev və Fərəh Məcidzadə şəhid İsabala Hüseynovun ailəsini ziyarət edərək şəhidin əziz xatirəsini bir daha yad edib, şəhidimizə Allahdan rəhmət diləmişlər.