YAP Suraxanı rayon təşkilatı Suraxanı Rayon Heydər Əliyev Mərkəzi ərazi partiya təşkilatında seçki yığıncağı keçirib
Yeni Azərbaycan Partiyası Suraxanı rayon təşkilatı Əmircan qəsəbəsi Park küçəsi 28 ünvanında yerləşən ərazi partiya təşkilatında YAP Suraxanı rayon təşkilatının nümayəndələrinin iştirakı ilə seçki yığıncağı keçirilmişdir. Öncə ərazi partiya təşkilatının sədri Hacıyeva Zəkiyyə Məmməd qızı YAP-ın VI qurultayından bu günə qədər görülmüş işlər haqqında məlumat xarakterli məruzə ilə çıxış etmişdir. Daha sonra hesabat məruzəsi ətrafında müzakirələr aparılmış, çıxışlar edilmişdir.
Yeni Azərbaycan Partiyası Suraxanı rayon təşkilatı Əmircan qəsəbəsi Park küçəsi 28 ünvanında yerləşən ərazi partiya təşkilatının sədr müavininin seçilməsi məsələsi müzakirə edilərək qərar qəbul edilmişdir. ƏPT-nın üzvlərinin səs verməsi nəticəsində sədr müavini İsmayılova Məlahət Ədalət qızı seçilmişdir. ƏPT-nın iclası ilə bağlı protokol tərtib edilmişdir.
Sonda Yeni Azərbaycan Partiyası Suraxanı rayon təşkilatının nümayəndələri Kürsüm Həsənova və Nərgiz Çiraqova çıxış edərək bildirmişlər ki, Əmircan qəsəbəsi Park küçəsi 28 ünvanında yerləşən ərazi partiya təşkilatının işini qənaətbəxş hesab etmək olar.
YAP Suraxanı rayon təşkilatının nümayəndələri gələcəkdə həyata keçiriləcək partiya fəaliyyəti, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat və uçotun səmərəli aparılması və ideoloji işin məqsədyönlü qurulması ilə bağlı öz tövsiyyələrini vermişlər.
