YAP Suraxanı rayon təşkilatının sədri Vüqar Seyidovun iştirakı ilə ərazi partiya təşkilatında hesabat-seçki yığıncağı keçirilib
Yeni Azərbaycan Partiyası Suraxanı rayon təşkilatının Hövsan qəsəbəsi Hafiz Quliyev küçəsi 11 ünvanında yerləşən ərazi partiya təşkilatında YAP Suraxanı rayon təşkilatının sədri Vüqar Seyidovun iştirakı ilə hesabat-seçki yığıncağı keçirilmişdir. Vətən Müharibəsi şəhidlərinin və Ulu Öndər Heydər Əliyevin əziz xatirələrinin bir dəqiqəlik sükutla yad edilməsindən sonra, yığıncağı giriş sözü ilə açan ƏPT-nın sədri Əliyev Sənan İslam oğlu qonaqları salamlayaraq YAP-ın cəmiyyətimizin inkişafında oyandığı roldan geniş bəhs etmişdir. Vətən Müharibəsinin qazanılmasında dogma partiyanın fəaliyyətinə diqqəti çəkmişdir.
Hövsan qəsəbəsi Hafiz Quliyev küçəsi 11 ünvanında yerləşən ərazi partiya təşkilatının sədri Əliyev Sənan İslam oğlu YAP-ın VI qurultayından bu günə qədər görülmüş işlər haqqında hesabat xarakterli məruzə ilə çıxış etmişdir. Daha sonra hesabat məruzəsi ətrafında müzakirələr aparılmış, çıxışlar edilmişdir.
Hövsan qəsəbəsi Hafiz Quliyev küçəsi 11 ünvanında yerləşən ərazi partiya təşkilatının sədr və sədr müavininin seçilməsi məsələsi müzakirə edilərək qərar qəbul edilmişdir. ƏPT-nın üzvlərinin səs verməsi nəticəsində sədr Əliyev Sənan İslam oğlu, sədr müavini Süleymanova Tünzalə Məmməd qızı seçilmişlər. ƏPT-nın iclası ilə bağlı protokol tərtib edilmişdir.
Yeni Azərbaycan Partiyası Suraxanı rayon təşkilatının sədri Vüqar Seyidov çıxış edərək ərazi partiya təşkilatının üzvlərini salamlayaraq işlərində uğurlar arzuladı. Yerli təşkilatın sədri fəaliyyətləri haqqında geniş məlumat verərək bütün üzvləri ölkədə aparılan islahatlar kursuna səmimi dəstək verməyə səslədi. Xüsusi ilə də qazilərə, şəhid ailələrinə diqqət və Covid19 pandemiyasınla mübarizədə Dövlət başçısı, YAP sədri cənab İlham Əliyevin xidmətlərinə toxunan Vüqar Seyidov görüş iştirakçılarını proseslərin tərkib hissəsi olmağa səslədi. YAP rəsmisi humanitar məsələlərdə çox hörmətli Mehriban xanım Əliyevanın fəaliyyətini yüksək qiymətləndirərək YAP Suraxanı rayon təşkilatının çoxminli üzvləri adından ona təşəkkür etdi.
YAP Suraxanı rayon təşkilatının sədri Vüqar Seyidov gələcəkdə həyata keçiriləcək partiya fəaliyyəti, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat-uçotun səmərəli aparılması, ideoloji işin məqsədyönlü qurulması ilə bağlı öz tövsiyyə və tapşırıqlarını vermiş, ƏPT-nın fəaliyyətində uğurlar diləmişdir.
