Vətən müharibəsi şəhidi İsa Məmmədov anım günündə ehtiramla yad edilib

Dekabrın 27-də Vətən müharibəsi şəhidi Məmmədov İsa Nazim oğlunun anım günü qeyd edilib. Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi və ərazi bütövlüyü uğrunda şanlı ordumuzun qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsinə ucalan “Vətən uğrunda”, "Şücaətə görə" və "Kəlbəcərin azad olunmasına görə” medallarına layiq görülən Şəhid İsa Məmmədovun anım günü qeyd olunub.

Anım günü münasibətilə YAP Suraxanı Rayon Təşkilatının sədr müavini Salman Əbdülov, Suraxanı Rayon İcra Hakimiyyətinin əməkdaşı Dəniz Aslan, digər rəsmi şəxslər, şəhid ailələri, məktəblilər şəhidin Binə qəsəbəsi Şəhidlər Xiyabanında məzarını ziyarət ediblər. Vətənimizin ərazi bütövlüyü uğrunda canından keçmiş bütün şəhidlərimizin əziz xatirəsi yad edilib, ruhlarına dualar oxunub.