Vətən müharibəsi şəhidi Elçin İsmayılov anım günündə ehtiramla yad edilib
Oktyabrın 7-də Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsində ucalan, 3-cü dərəcəli Rəşadət" ordeni, “Vətən uğrunda”, "Cəbrayılın azad olunmasına görə", “Füzulinin azad olunmasına görə”, “Kəlbəcərin azad olunmasına görə” medallarına layiq görülən şəhid İsmayılov Elçin Mübariz oğlunun anım günü qeyd olunub.
Suraxanı Rayon İcra Hakimiyyətinin başçısı Əziz Əzizov, YAP Suraxanı rayon təşkilatının sədri Vüqar Seyidov, RİHB-nin müavinləri, şöbə müdirləri, qəsəbə inzibati ərazi dairəsi üzrə nümayəndə və bələdiyyə sədri, şəhid ailələri Elçin İsmayılovun ailə üzvlərini ziyarət ediblər.
Elçin İsmayılovun timsalında vətənimizin ərazi bütövlüyü uğrunda canından keçmiş şəhidlərimizin əziz xatirəsi ehtiramla anılıb.
