Suraxanı rayonunda Şəhid Nazim Kirxlarovun anım mərasimi keçirilib
20 oktyabr 2022-ci ildə 44 günlük Vətən Müharibəsində şəhid olmuş Suraxanı rayonu Əmircan qəsəbəsi sakini şəhid əsgər (MAHHXHQ) Kirxlarov Nazim Nadir oğlunun məzunu olduğu Suraxanı rayonu 226 nömrəli tam orta məktəb müəllim – şagird kollektivinin təşkil etdiyi anım tədbiri keçirilmişdir.
Tədbirdə Suraxanı Rayon İcra Hakimiyyətinin başçısı Əziz Əzizov, Yeni Azərbaycan Partiyası Suraxanı rayon təşkilatının sədri Vüqar Seyidov, digər rəsmi şəxslər, şəhid ailələri, qazilər, qəsəbə sakinləri və şəhidin doğmaları iştirak etmişlər.
Suraxanı RİH-nin başçısı Əziz Əzizov, YAP Suraxanı rayon təşkilatının sədri Vüqar Seyidov və digər rəsmi şəxslər şəhid şəhid əsgər (MAHHXHQ) Kirxlarov Nazim Nadir oğlunun ailəsinin qayğıları ilə maraqlanmışlar. YAP Suraxanı rayon təşkilatının sədri Vüqar Seyidov şəhidimizin əziz xatirəsini bir daha yad edərək Allahdan rəhmət diləmişdir.
YAP Suraxanı rayon təşkilatının sədri Vüqar Seyidov vurğulamışdır ki, bugünkü tədbir gələcək nəsillərin hafizəsinə qızıl hərflərlə və bir dəfəlik yazılacaqdır. Gələcək nəsillər, yeniyetmələr, gənclər özlərindən öncəki qəhrəmanları özlərinə nümunə biləcəklər.
Qeyd edək ki, şəhid əsgər (MAHHXHQ) Kirxlarov Nazim Nadir oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “3-cü dərəcəli Vətənə xidmətə görə” ordeni, “Vətən uğrunda”, “Cəbrayılın azad olunmasına görə”, “Qubadlının azad olunmasına görə” və “Laçının azad olunmasına görə” medalları ilə təltif edilmişdir.
Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.
