Məzunu olduğu məktəbdə Şəhid Elzar Yusubovun doğum günü ehtiramla yad edilib

09 yanvar şəhid Yusubov Elzar Suleyman oğlunun doğum günüdür. Öncə şəhid Elzar Yusubovun Suraxanı rayonu Hövsan Şəhidlər Xiyabanındakı əbədi istirahətgahı ziyarət edilmiş, məzarı üzərinə güllər düzülmüş və dualar oxunmuşdur. Daha sonra doğum günü münasibəti ilə Suraxanı rayonu Hövsan qəsəbəsinin sakini, Vətən Müharibəsi şəhidi leytenant Yusubov Elzar Suleyman oğlunun məzunu olduğu Suraxanı rayonu 76 nömrəli tam orta məktəbin müəllim – şagird kollektivinin təşkil etdiyi anım tədbiri keçirilmişdir.

Tədbirdə Yeni Azərbaycan Partiyası Suraxanı rayon təşkilatının sədri Vüqar Seyidov, Suraxanı Rayon İcra Hakimiyyətinin başçısının müavinləri Könül Axundova, Fuad Cəbrayılov, digər rəsmi şəxslər, şəhid ailələri, qazilər, qəsəbə sakinləri və şəhidin doğmaları iştirak etmişlər.

Yeni Azərbaycan Partiyası Suraxanı rayon təşkilatının sədri Vüqar Seyidov, Suraxanı Rayon İcra Hakimiyyətinin başçısının müavinləri Könül Axundova, Fuad Cəbrayılov, digər rəsmi şəxslər şəhid ailəsinin qayğıları ilə maraqlanmışlar. YAP Suraxanı rayon təşkilatının sədri Vüqar Seyidov şəhidimizin əziz xatirəsini bir daha yad edərək Allahdan rəhmət diləmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.