"Davam" Gənclər Hərəkatı millət vəkilləri, ictimai-siyasi xadimlər ve fikir adamları ilə silsilə görüşləri davam etdirir
21 may tarixində "Davam" Gənclər Hərəkatının mərkəzi ofisində YAP Mərkəzi Aparatının Siyasi təhlil, maarifləndirmə və seçkilərlə əlaqədar iş şöbəsinin müdiri, siyasi elmlər üzrə fəlsəfə doktoru Rufiz Qonaqovla davamçı gənclər arasında "İctimai fikir, siyasi düşüncə və siyasi həmfikirlər institutu" mövzusunda görüş keçirilib.
Görüş zamanı "Müasir gənclik, hədəf və perspektivlər", "Regionda Azərbaycanın yaratdığı yeni konfiqurasiyada yeni çağırışlar və tələblər", "Gənclər arasında ideoloji işin qurulması və siyasi savadlılığın artırılması", "Ölkəmizdə dialoq mühiti: həmrəylik və xalq-iqtidar birliyi" mövzuları ətrafında fikir mübadiləsi aparılıb.
Səmimi və maraqlı keçən söhbətin yekunuda sual-cavab mərhələsi baş tutub, gənclər onları maraqlandıran sualları səsləndirib, suallar qonaq tərəfindən maraqlı və geniş şəkildə cavablandırılıb. Sonda Rufiz Qonaqov "Davam" Gənclər Hərəkatının fəaliyyətinə uğurlar arzulayıb və Hərəkatın gördüyü işləri yüksək qiymətləndirdiyini bildirib.
