Azərbaycan həm şərqə, həm də qərbə lazımlı tərəfdaşdır

Ziyafət Tağıyeva

YAP Suraxanı rayon təşkilatının fəal üzvü

Hövsan Sağlamlıq Mərkəzinin  baş həkimi 

Hər birimizə məlumdur ki, 07.01.2025-ci il tarixində Azərbaycan Respublikasının Prezidenti cənab İlham Əliyev yerli televiziya kanallarına müsahibə vermişdir. Müsahibə zamanı cənab Prezident ictimaiyyəti maraqlandıran bir sıra məsələlərə aydınlıq gətirmişdir.

Belə ki, cənab Prezident Azərbaycanın hər tərəfli inkişafına toxunaraq qeyd etmişdir ki, Azərbaycanın valyuta ehtiyyatları 73 milyarda çatmışdır. Təbii ki, bu həm ölkəmizin inkişafının bariz nümunəsi olmaqla yanaşı, həm də uzun illər həyata keçirilən islahatların nəticələridir.

Prezident İlham Əliyev müsahibə zamanı Qərb ölkələrində siyasi və mənəvi böhranın göz qabağında olduğunu vurğulamışdı. Həqiqətən də Fransa kimi qaranlıq qüvvələr nə qədər çalışsalarda Azərbaycan, Gürcüstan, Rusiya və İran arasındakı sabitliyi poza bilmədilər. Avropa hələ də Azərbaycan neftindən və qazından asılı olaraq qalır. Hətta mavi yanacaq çatışmamazlığı nəticəsində Avropada fermerlər ayağa qalxdı. Bu da onu göstərir ki, Avropanın mavi yanacaqla təmin edicisi Azərbaycandır.

Sonda onu da qeyd edim ki, bugün Azərbaycan Suriya məsələsində Türkiyənin yanında olmaqla yanaşı, həm də  İsrail-Fələstin konfliktindəki rolu ilə beynəlxalq arenada nüfuzunu bir daha göstərdi. Həmçinin Azərbaycan cənap Trampla onun hakimiyyətinin ilk mərhələsində olduğu kimi yenədə gözəl münasibətlər yaradır. Bu da Azərbaycanın həm şərqə, həm də qərbə lazımlı tərəfdaş olduğunun göstəricisidir.