Azərbaycan və Rusiya etibarlı tərəfdaşlığı davam edir
Səadət Seyidova
YAP Suraxanı rayon təşkilatının fəal üzvü
Suraxanı rayonu, 290 nömrəli tam orta məktəbin müəllimi
Azərbaycan Respublikasının Prezidenti İlham Əliyevin müxtəlif Beynəlxaq İnformasiya Agentliklərinə veridyi müsahibələr dolğun məzmunu, yetərli cavablar ilə daim fərqlənmiş və diqqət mərkəzində olmuşdur. Dövlət başçısının 17 dekabr 2024-cü il tarixində “Rosiyya Seqodnya” Beynəlxalq İnformasiya Agentliyinə verdiyi müsahibə də belələrindəndir. Müsahibəsinin əvvəlində Prezident İlham Əliyev Müttəfiqlik Qarşılıqlı Fəaliyyəti haqqında Bəyannamənin imzalanmasının ən mühüm siyasi addım olduğunu, Azərbaycan və Rusiya arasında münasibətlərin inkişafından məmnunluğunu, müsbət dinamikanın qorunub saxlanılmasına əminliyini bildirdi.
Rusiya ilə NATO münasibətləri, Gürcüstanda baş verən hadisələrlə bağlı fikirlərini bildirərkən dövlət başçısı qeyd etdi ki,bu sahədə gərginliyin aradan qaldırılması üçün Azərbaycan da dost ölkə kimi əlindən gələni etməyə daim hazırdır. Müxtəlif məsələlərlə bağlı sualları cavablandıran İlham Əliyev yaşadığımız dövrdə dünyanın heç bir yerində hərbi bazanı gizlətməyin qeyri-mümkünlüyünü xatırlatdı. Əlbəttə ki,biz digər ölkələrlə yanaşı Rusiyanın da müdafiə sənayesinin yeniliklərini diqqətlə izləyirik.
Heç bir problemimiz olmayan; dahi mütəfəkkirlər, böyük alimlər, yazıçılar diyarı kimi tanıdığımız Fransanın bizə olan münasibətinin dəyişilməsi isə təəssüf hissi doğurur. Makron hökumətinin Ermənistana tədarük etdiyi silahların hücum silahları olması Azərbaycan üçün praktik təhlükə yaradır. Buna görə də adekvat tədbir görmək məcburiyyətində qalmışıq və 2025-ci ildə növbəti hərbi büdcəmiz rekord büdcə olacaqdır.
Müsahibə zamanı Azərbaycanda keçirilən çox böyük təşkilatı iş olan COP-29 haqqında ətraflı məlumat verildi və belə bir möhtəşəm tədbirin əhəmiyyətindən də söhbət açıldı. Dili siyasi motivlər üzrə sıxışdırmağa cəhd edənlərin böyük səhvə yol verdiklərini vurğulayan Prezident Azərbaycanda rus dilinə olan münasibət haqqında ətraflı danışaraq şagirdlərimizin bir milyona yaxınının rus dilində təhsil almasını və ya onu ikinci dil kimi öyrənməsini bildirdi.
Əminliklə demək olar ki, Azərbaycan Respublikası Prezidenti İlham Əliyevin “Rossiya Seqodnya” İnformasiya Agentliyinin Baş direktoru Dmitri Kiselyova verdiyi bu müsahibə də digərləri kimi Azərbaycanın keçdiyi inkişaf yolu, xarici ölkələrlə əlaqələrini və münasibətlərini əks etdirən tarixi bir mənbəyə çevriləcəkdir.
