"Autizimli Uşaqların Səsi Ol” adlı tədbir keçirilib
29 mart 2025-ci il tarixdə Hilton otelində "2 Aprel Ümumdünya Autizim Maarifləndirmə Günü"nə həsr olunmuş “Autizimli Uşaqların Səsi Ol!” adlı tədbir keçirilmişdir. Tədbir "2 Aprel Ümumdünya Autizm Maarifləndirmə Günü"nə həsr olunmuşdur və autizm-spektr pozuntusu olan uşaqların hüquqlarına diqqət çəkmək, cəmiyyətdə maarifləndirməni artırmaq məqsədi daşıyır.
Tədbirdə YAP Suraxanı rayon təşkilatının məsul əməkdaşı Fərəh Məcidzadə, autizimli uşaqların valideynləri, ictimai təşkilatların nümayəndələri, mütəxəssislər və media nümayəndələri iştirak etdilər. Proqram çərçivəsində autizm mövzusunda maarifləndirici çıxışlar edilmiş, təcrübə mübadiləsi aparılmış və mütəxəssislər tərəfindən autizm spektr pozuntusu ilə bağlı aktual məsələlər müzakirə olunmuşdur.
Tədbirin əsas məqsədləri:
Autizmlə bağlı ictimai məlumatlılığın artırılması;
Autizimli uşaqların hüquqlarının müdafiəsinə diqqət çəkmək;
Cəmiyyətin bu mövzuya daha həssas və anlayışlı yanaşmasını təmin etmək;
Autizmli uşaqların və onların ailələrinin sosial inteqrasiyasına dəstək olmaq.
Tədbirdə həmçinin autizimli uşaqların cəmiyyətə inteqrasiyasını təşviq edən sosial layihələrin təqdimatı keçirildi və iştirakçılar arasında fikir mübadiləsi aparıldı. Bu təşəbbüs vasitəsilə autizimli uşaqların səsi olmaq və onların hüquqlarını qorumaq istiqamətində yeni addımlar atılacaq.
Qeyd edək ki, YAP Suraxanı rayon təşkilatının sədri Vüqar Seyidov Autizmlə Mübarizə İctimai Birliyi tərəfindən "TƏŞƏKKÜRNAMƏ" ilə təltif olunmuşdur.
