ATƏT -in Minsk qrupu isə öz missiyasını yerinə yetirə bilmədi

Aynur Əsgərova

YAP Suraxanı rayon təşkilatının üzvü

Suraxanı rayonu, 85 nömrəli tam orta məktəbin müəllimi

Prezident cənab İlham Əliyev 25 sentyabr 2025-ci il tarixində BMT Baş Assambleyasının 80 -cı sessiyasında tribunadan yalnız Azərbaycan Prezidenti kimi deyil, beynəlxalq hüququ təmin edən, ədalətin sonda zəfər çaldığını sübut edən lider kimi çıxış etdi. Çıxışı zamanı dediyi ilk sözlər bunu tam olaraq ifadə edir:"Uzun illər ərzində mən bu  kürsüdən Azərbaycana qarşı törədilmiş təcavüz, işğal və ədalətsizlik faciələri barədə danışmışam.Bu gün isə qələbəyə və sülhə aparan uzun yolumuzdan, Azərbaycan tarixində yeni dövrdən, Vətən müharibəsi ilə işğala necə son qoyulduğundan , sülhü siyasi vasitələrlə necə təmin etməyimizdən danışacağam."

1992-ci ildə münaqişənin həlli üçün təsis edilmiş ATƏT -in Minsk qrupu isə öz missiyasını yerinə yetirə bilmədi. Prezidentimiz çıxışında qeyd etdi ki,30 ilə yaxın davam edən səmərəsiz danışıqlardan sonra 2020 -ci ildə Azərbaycan BMT Nizamnaməsinin 51-ci maddəsinə uyğun olaraq özünümüdafiə hüququndan istifadə etməyə məcbur oldu.

Ermənistanın təxribatlarına qarşı əks-hücum əməliyyatlarına başlayan Azərbaycan ordusu cəmi 44 gün ərzində torpaqlarımızda 30 ilə yaxın davam edən işğala son qoydu.Bu,BMT -nin icra edə bilmədiyi dörd qətnamənin və ədalətin Azərbaycan tərəfindən təmin edilməsi idi.

Cənab İlham Əliyev öz çıxışında bəşəriyyətin firavanlığı və tərəqqisi baxımında sülh amilinin son dərəcə həyati önəm kəsb etdiyini vurğuladı.Prezidentimiz sülhə verdiyi dəstəyə görə ABŞ prezidenti Donald Trampa bir daha təşəkkür etdi.

"Böyük Qayıdış" proqramını açıqlayan İlham Əliyev azad olunmuş ərazilərdə həyatın yenidən qurulduğunu qeyd etdi və bunu Azərbaycanın öz hesabına həyata keçirdiyini vurğuladı."Böyük Qayıdış" proqramı çərçivəsində artıq 50 mindən çox insan azad edilmiş torpaqlarda yaşayır, işləyir və təhsil alır.

Azərbaycanın Lideri, Ulu Öndərin davamçısı cənab İlham Əliyev çıxışının sonunda dünya dövlətlərinə belə bir çağırış etdi: "Gəlin, birlikdə ikili standartların aradan qalxdığı, ədalətin selektiv olmadığı, qanunun aliliyinə hörmət edildiyi, sülhün təkcə sözlərlə deyil , əməli addımlarla təmin olunduğu bir dünya quraq ".