30 ildə görülmüş işlər, dövlətimizin siyasəti bizə anım gününü Xocalıda qeyd etmək imkanı verdi

Aidə Hacıyeva

YAP Suraxanı rayon təşkilatının fəal üzvü

Suraxanı rayonu 273 nömrəli körpələr evi, uşaq bağçasının müdiri

Xocalı  soyqırımının acı  fəsadları - 106  qadın, 63  uşaq  və  70  yaşlı  insan  olmaqla  613  nəfər  qətlə  yetirildi.  1275   sakin  girov  götürüldü,  150  nəfərin  taleyi bugünədək  naməlum  qalıb. Bu  faciə  zamanı  487 nəfər  şikəst  edilib, 8 ailə  tamamilə  məhv  edildi, 25  uşaq  hər iki  valdeynini, 130  uşaq  isə  bir  valdeynini  itirdi. 56  nəfər  xüsusi  qəddarlıqla – diri-diri  yandırılaraq, başının  dərisi  soyularaq,  boynu vurularaq, gözləri  çıxarılaraq  öldürüldü.

Xocalı  soyqırımı  beynəlxalq  çinayətdir. Prezident cənab İlham  Əliyev  vurğulayıb ki, 30  il  yox, 300  il  keçsə  də  qəzəb  bizi  buraxmayacaq. Xocalının Azərbaycan  xalqının tarixində  və  şüurunda  böyük  yeri  var. Xocalı soyqırımı gününü  biz  Xocalıda   qeyd  edirik.  32  ildən sonra  biz  doğma  torpaqlarımıza  qayıtdıq.                                                 

“Xocalıya ədalət!”çağırışımız cavabsız qaldı. Yalnız 18 ölkə bu faciəni soyqırım  kimi  tanımışdır. Böyük  dövlətlər, beynəlxalq  təşkilatlar  isə  biganə  qalmışlar. “Xocalıya ədalət!” kampaniyası  dünyanın  müxtəlif  yerlərində  özünü  göstərmişdir, bir  çox  tədbirlər,  təqdimatlar  həyata  keçirilmişdir. Xocalı  soyqırımı  dünyanın gözü qarşısında  baş  vermiş cinayətdir.

Ermənistan  və  onun  havadarları bu hadisəni ört-basdır etməyə çalışırlar ki, Ermənistan  məsuliyyətə cəlb olunmasın. Ermənistana qarşı hər hansı bir sanksiya tətbiq  edilməsin və onlar cəzasız qalsınlar. Tarixi ədaləti  bərpa  etmək üçün bizə 30 il lazım oldu. Çətin, keşməkeşli, uzun bir 30 il. Ancaq bu  30  ildə görülmüş  işlər, dövlətimizin  siyasəti bizə  anım gününü Xocalıda qeyd etmək  üçün  imkan  verdi.                                                                                        

Bu  gün  azad  torpaqlarda  quruculuq  işləri  vüsət alıb. Yeni kəndlər şəhərlər salınır. Bu il  o  yaşayış  məntəqələrin  sayı  20-ə  çatacaq. Biz  Xocalı  soyqırımını heç  vaxt   unutmayaçağıq. İkinci Qarabağ müharibəsi və antiteror  əməliyyatı   baxmayaraq  ki, bizim  ürəyimizdə  qisas  hissi  var idi, biz beynəlxalq humanitar  hüquqa  uyğun  aparılmışdır. Bunu  hamı  bilir  və  heç  kim bizə  irad  tuta  bilməz. Bizim ordu, bizim  əsgərlər  böyük  peşəkarləq, qəhrəmanlıq, fədəkarlıq göstəriblər. Bizim  övladlarımız ölümə  gedirlər ki, torpaqlarımız  azad  olunsun.

Allah bütün  şəhidlərimizə  rəhmət  eləsin!

Onların  əziz  xatirəsi  bizim  qəlbimizdə  əbədi  yaşayaçaqdır!