YAP Suraxanı rayon təşkilatının ərazi partiya təşkilatında iclas keçirilib

Yeni Azərbaycan Partiyası Suraxanı rayon təşkilatının Bülbülə qəsəbəsi, İlqar Məmmədov küçəsi ünvanında yerləşən ərazi partiya təşkilatında yerli təşkilatın məsləhətçisi Kürsüm Həsənovanın iştirakı ilə iclas keçirilmişdir.

ƏPT-nin aktiv üzvü Xuraman Eyvazova çıxış edərək yığıncaq iştirakçılarını salamladı və gündəlikdə ƏPT-nin sədrinin və sədr müavininin seçilməsi məsələsinin olduğunu vurğuladı. O, sədr vəzifəsinə Hüseynova Dürdanə Teymur qızının namizədliyini irəli sürdü və bu təklifə səsvermə yolu ilə münasibət bildirilməsini xahiş etdi. ƏPT-də təmsil olunan üzvlərin səs verməsi nəticəsində Hüseynova Dürdanə sədr seçilmişdir. Yeni seçilmiş ƏPT sədrinin təklifi ilə sədr müavini vəzifəsinə Eyvazova Xuraman Hafiz qızının namizədliyini irəli sürüldü və bu təklifə səsvermə yolu ilə münasibət bildirilməsi xahiş olundu. ƏPT-də təmsil olunan üzvlərin səs verməsi nəticəsində Xuraman Eyvazova sədr müavini seçilmişdir.

YAP Suraxanı rayon təşkilatının məsləhətçisi Kürsüm Həsənova Bülbülə qəsəbəsi, İlqar Məmmədov küçəsi ünvanında yerləşən ərazi partiya təşkilatında gələcəkdə həyata keçiriləcək partiya fəaliyyəti, yeni üzvlərin qəbulu, qeydiyyat, uçotun səmərəli aparılması və ideoloji işin məqsədyönlü aparılması ilə bağlı öz tövsiyələrini vermiş, ƏPT-nin sədrinə uğurlar arzulamışdır.