YAP Suraxanı rayon təşkilatının nümayəndələri şəhid Mehdi Fərzullazadənin şəhadətinin ildönümü mərasimlərində iştirak etmişlər
07 noyabr 2021-ci il tarixdə YAP Suraxanı rayon təşkilatının sədri Vüqar Seyidov və nümayəndələri əsgər Fərzullazadə Mehdi Zaman oğlunun şəhadətinin ildönümü münasibəti ilə təşkil olunmuş anım mərasimində iştirak etmişlər. Öncə şəhid Əliyev Mehdi Fərzullazadənin Suraxanı rayon Bülbülə qəsəbəsi Şəhidlər Xiyabanındakı əbədi istirahətgahı rayon təşkilatının nümayəndələri tərəfindən ziyarət edilmiş, məzarı üzərinə güllər düzülmüş və dualar oxunmuşdur.
Daha sonra YAP Suraxanı rayon təşkilatının sədri Vüqar Seyidov və təşkilatın nümayəndələri Suraxanı rayon sakini, Vətən Müharibəsi şəhidi əsgər Fərzullazadə Mehdi Zaman oğlunun anım mərasimində iştirak edərək ailənin qayğıları ilə maraqlanmışlar. Görüş zamanı şəhidlərimizə olan hörmət və ehtiramını bildirən Vüqar Seyidov şəhidimizin əziz xatirəsini bir daha yad edərək şəhidimizə Allahdan rəhmət diləmişdir.
Qeyd edək ki, şəhid əsgər Fərzullazadə Mehdi Zaman oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “Vətən uğrunda”, “Xocavəndin azad olunmasına görə” və “Füzulinin azad olunmasına görə” medalları ilə təltif edilmişdir.
Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.
