YAP Suraxanı rayon təşkilatı tərəfindən DTX-nın Heydər Əliyev adına Akademiyasında yerləşən “Şöhrət” muzeyi ziyarət edilmişdir

23.04.2024-cü il tarixdə YAP Suraxanı rayon təşkilatının sədri Vüqar Seyidov və təşkilatın bir qrup fəal gənci  Ulu öndər Heydər Əliyevin anadan olmasının 101-ci ildönümü münasibəti ilə Dövlət Təhlükəsizlik Xidmətinin (DTX) Heydər Əliyev adına Akademiyasında yerləşən “Şöhrət” muzeyini ziyarət edərək, orada qorunub saxlanan eksponatlarla tanış olublar.

Daha sonra Dövlət Təhlükəsizlik Xidmətinin (DTX) Heydər Əliyev adına Akademiyasının rəisi polkovnik Elşad Nəsirov və YAP Suraxanı rayon təşkilatının sədri Vüqar Seyidov arasında fikir mübadiləsi olmuşdur.

Qeyd edək ki, Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyasının “Şöhrət” muzeyi Ümummilli lider Heydər Əliyevin xatirəsini əbədiləşdirmək, həyat və fəaliyyətinin, nəsillərə örnək olan mənalı ömür yolunun və irsinin öyrənilməsini, gələcək nəsillərə çatdırılmasını, Azərbaycan gəncliyinin Heydər Əliyev amallarına sədaqət ruhunda tərbiyə olunmasını təmin etmək məqsədi ilə yaradılıb. Unikal məzmuna və nəfis tərtibata malik olan “Şöhrət” muzeyini, eləcə də Ümummilli lider Heydər Əliyevin muzey qarşısında ucaldılmış möhtəşəm abidəsini Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev 2006-cı il mart ayının 27-də Akademiyaya səfəri zamanı açıb.