Şəhid Nurəddin Mirzəzadə anım günündə ehtiramla anıldı

Şəhid Mirzəzadə Nurəddin Burhan oğlunun anım günü ilə əlaqədar Zığ qəsəbəsi Dədə Qorqud yaşayış sahəsində yerləşən Şəhidlər Xiyabanındakı məzarı ziyarət olunmuşdur. Anım günü ilə əlaqədar  YAP Suraxanı Rayon Təşkilatının sədri Vüqar Seyidov, sədr müavini Salman Əbdülov, şəhid ailələri və qazilər, şəhidin məzun olduğu 104 saylı tam orta məktəbin müəllimləri şəhidin məzarını ziyarət edib. Məktəbin şagirdləri şəhidin məzarı önündə şeirlər söyləmişlər. Vətənimizin ərazi bütövlüyü uğrunda canından keçmiş bütün şəhidlərimizin xatirəsi yad edilib, ruhlarına dualar oxunub.