Şəhid Nazim Kirxlarovun doğum günü ehtiramla yad edilib
44 günlük Vətən müharibəsində canından keçərək Şəhidlik məqamına yüksəlmiş igid oğullarımızdan biri Kirxlarov Nazim Nadir oğlunun doğum günü ilə əlaqədar dekabrın 20-də Əmircan qəsəbəsində yerləşən Şəhidlər Xiyabanında Şəhidimizin məzarı ziyarət edilmiş, məzarı üstünə gül dəstələri düzülmüş, dualar oxunmuşdur.
Tədbirdə YAP Suraxanı rayon təşkilatının sədr müavini Salman Əbdülov, Suraxanı Rayon İcra Hakimiyyətinin əməkdaşı Dəniz Aslan, Əmircan Bələdiyyəsinin sədri Cəmilə Ağayeva, “Şəhid ailələrini müdafiə cəmiyyəti” Suraxanı rayon şöbəsinin sədri Nəsibə Əliyeva, digər rəsmi şəxslər, rayon ictimaiyyətinin nümayəndələri, şəhid ailələri və şəhidin doğmaları iştirak etmişlər.
