Şəhid Cavid Cabarzadə 270 nömrəli tam orta məktəbdə ehtiramla yad edilib

10 mart 2023-cü il tarixdə Vətən müharibəsinin şəhidi Cabarzadə Cavid Qorxmaz oğlunun xatirəsi Suraxanı Rayonu 270 nömrəli tam orta məktəbdə ehtiramla yad edilib. Anımla bağlı məktəbdə tədbir keçirilib.

Dövlət himninin səsləndirilməsi və vətənimizin azadlığı, ərazi bütövlüyü, müstəqilliyi uğrunda şəhid olanların xatirəsinin bir dəqiqəlik sükutla yad edilməsi ilə başlanan anım tədbirində YAP Suraxanı Rayon Təşkilatının sədr müavini Salman Əbdülov, Suraxanı Rayon İcra Hakimiyyətinin nümayəndəsi Anar Əsədullayev, Şəhidin doğmaları, məktəbin müəllim və şagird kollektivi iştirak ediblər.

Tədbirdə Şəhid Cavid Cabarzadənin şərəfli ömür yolundan danışılaraq, qəhrəmanların ölmədikləri, daim qəlblərdə yaşadıqları şagirdlərin çıxışlarında təqdim olunub.

YAP Suraxanı Rayon Təşkilatının sədr müavini Salman Əbdülov, Suraxanı Rayon İcra Hakimiyyətinin nümayəndəsi Anar Əsədullayev Şəhidin ailəsinə bir daha başsağlığı verərək, cənab Prezident, Ali Baş Komandan cənab İlham Əliyevin məqsədyönlü, qətiyyətli siyasəti, Silahlı Qüvvələrimizin daim artan gücü və qüdrəti sayəsində torpaqlarımızın azadlığı uğrunda canını fəda edən oğulların ölməzliyini və əbədiliyini bir daha vurğulayıblar.

Həmçinin, Şəhidimizin anası Almaz xanım Prezident cənab İlham Əliyevin, birinci xanım Mehriban Əliyevanın və Yeni Azərbaycan Partiyasının Şəhid ailələrinə göstərdiyi diqqət və qayğıdan danışaraq dərin minnətdarlığını ifadə edib.