Suraxanı Rayonunda şəhid Sehran Vəliyevin doğum günü ehtiramla anılıb

23 fevral şəhid Sehran Vəliyevin doğum günüdür. 23.02.2024 – ci il tarixdə  doğum günü münasibəti ilə  Suraxanı rayonu sakini, Vətən Müharibəsi şəhidi gizir Vəliyev Sehran Nizami oğlunun övladının təhsil aldığı Suraxanı rayonu 315  nömrəli tam orta məktəbin kollektivinin təşkil etdiyi anım mərasimi keçirilmişdir. Daha sonra Zığ qəsəbəsi Dədə Qorqud yaşayış sahəsində şəhidin adının əbədiləşdirilməsi məqsədilə inşa edilmiş abidə kompleksinin açılışı olmuşdur.

Tədbirdə Milli Məclisin deputatı Bəhruz Məhərrəmov, Suraxanı Rayon İcra Hakimiyyətinin şöbə müdiri Elmar Hüseynov, Yeni Azərbaycan Partiyası Suraxanı rayon təşkilatının sədr müavini Salman Əbdülov, digər rəsmi şəxslər, 315 nömrəli məktəbin müəllim-şagird kollektivi, şəhidin ailə üzvləri, dostları iştirak etmişlər.

Göstərilən diqqət və qayğıya görə şəhidin ailə üzvləri cənab Prezident İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.