Suraxanı rayonunda “Həmrəyliyimiz gücümüzdür” adlı tədbir keçirilib
27 dekabr 2023-cü il tarixdə Suraxanı Rayon Heydər Əliyev Mərkəzində "5 nömrəli Uşaq-Gənclər İnkişaf Mərkəzi" publik hüquqi şəxsin təqdim etdiyi 31 dekabr - Dünya Azərbaycanlılarının Həmrəyliyi Gününə həsr olunmuş “Həmrəyliyimiz gücümüzdür” adlı tədbir keçirilib.
Tədbirə dəvət olunmuş qonaqlardan Vətən müharibəsi iştirkaçıları, Suraxanı Rayon İcra Hakimiyyətinin şəhid ailələri və qazilərlə ilə işin təşkili şöbəsinin müdiri ehtiyatda olan polkovnik-leytenant Elmar Hüseynov, Suraxanı Rayon İcra Hakimiyyətinin nümayəndəsi Gülşən Şıxlarova və YAP Suraxanı rayon təşkilatının məsləhətçisi Kürsüm Həsənova, Heydər Əliyev Mərkəzinin direktoru Mahmudova Xəyalə, 196 nömrəli məktəbin direktoru Nizami Niftiyev, ehtiyatda olan mayor Məmmədov Aslan 44 günlük müharibədə qazandığımız qələbənin Azərbaycanın beynəlxalq mövqelərinin daha da möhkəmlənməsində, nüfuzunun yüksəlməsindəki rolundan danışdılar. Tədbirdə şəhid ailələri, qazilər, Suraxanı rayonu Hövsan qəsəbəsində yerləşən məktəblərin dərnək üzvləri və dərnək rəhbərləri iştirak etdilər.
"5 nömrəli Uşaq-Gənclər İnkişaf Mərkəzi" publik hüquqi şəxsin direktoru Elza Orucova qonaqlara öz təşəkkürünü bildirərək, 31 dekabr Dünya Azərbaycanlılarının Həmrəylik Günü münasibətilə təbrik etdi.
Tədbirin sonunda tədbir iştirakçıları ilə xatirə şəkilləri çəkildi.
