Suraxanı rayonunda “Cəsarətli qəhrəman” adlı anım tədbiri keçirildi
18.12.2024-cü il tarixində Suraxanı rayon Heydər Əliyev Mərkəzində Şəhid Səfərov Cəsarət Xaliq oğluna həsr edilmiş “Cəsarətli qəhrəman” adlı anım tədbiri keçirildi. Tədbirdə YAP Suraxanı rayon təşkilatının sədr müavini Salman Ədbülov, Suraxanı Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Elmar Hüseynov, “Şəhid ailələrini müdafiə cəmiyyəti” Suraxanı rayon şöbəsinin sədri Nəsibə Əliyeva, rayon Ağsaqqallar Şurasının sədri Arif Babayev, şair Vəli Qaraçaylı, Sevda İbrahimli, qazilər, veteranlar, şəhid ailələri , müəllimlər və şagirdlər, rayon ictimaiyyəti iştirak etdilər.
Tədbir Azərbaycan Republikasının Dövlət Himninin səsləndirilməsi ilə başlandı, şəhidlərin əziz xatirəsi sükutla yad edildi. Şəhid Səfərov Cəsarət Xaliq oğluna aid videoçarx nümayiş olundu. Tədbirdə Suraxanı rayon Heydər Əliyev Mərkəzinin direktoru Xəyalə Mahmudova çıxış edərək bu cür tədbirlərin məktəblilər və gənclər, ümumilikdə ictimaiyyət üçün vacib olduğunu vurğulamış, Vətən uğrunda şəhid olanların xatirəsinin hər zaman ehtiramla yad edildiyini, hər birimiz üçün unudulmaz və əziz qalacağını qeyd etmişdir, Müzəffər Ali Baş Komandan İlham Əliyevin rəhbərliyi altında 44 günlük Vətən müharibəsindən, böyük siyasi iradənin və qəhrəman Vətən oğullarının ölkəmizə yaşatdığı tarixi zəfərdən danışmışdır. Şəhid Cəsarət Səfərovun ailə üzvləri, əmisi Adil Səfərov, dayısı Cəmil Allahverdiyev şəhidlə bağlı xatirələrini bölüşdülər.
YAP Suraxanı rayon təşkilatının sədr müavini Salman Ədbülov, Rayon Ağsaqqallar Şurasının sədri Arif Babayev, “Şəhid ailələrini müdafiə cəmiyyəti” Suraxanı rayon şöbəsinin sədri Nəsibə Əliyeva, “Azərbaycan Vətən müharibəsi Veteranları” İctimai Birliyinin Suraxanı rayon şöbəsinin sədri Eldar Rüstəmov, şəhid ailələri və qazilər şəhidlərə göstərilən dövlət qayğısından danışdılar. Şair Vəli Qaraçaylı, Sevda İbrahimli şəhidlər haqqında yazdıqları şeirləri səsləndirdilər. Rayon 318, 279, 89 saylı tam orta məktəblərin şagirdlərinin ifasında mahnı və şeir kompozisiyaları dinlənildi.
