Məktəblilər tərəfindən “ZƏFƏR” yürüşü təşkil olunmuşdur

1 aprel Birinci Qarabağ Müharibəsi şəhidi Bayramov Füzuli Sahabəli oğlunun doğum günüdür. Bu il 50 illik yubileyi qeyd olunan şəhidin xatirəsi məzun olduğu Suraxanı rayonu, 279 nömrəli tam orta məktəbin müəllim-şagird kollektivi tərəfindən ehtiramla yad edilib.

Suraxanı rayonu Qaraçuxur qəsəbəsi Yeni Günəşli yaşayış sahəsində Birinci Qarabağ Müharibəsi şəhidi Bayramov Füzuli Sahabəli oğlunun yaşadığı evin önünə qədər məzun olduğu Suraxanı rayonu, 279 nömrəli tam orta məktəbin müəllim-şagird kollektivi tərəfindən “ZƏFƏR” yürüşü təşkil olunmuşdur. Şəhidin yaşadığı evin qarşısında onun barelyefinin önündə məzun olduğu məktəbin məzunları qəhrəman Vətən oğlu ilə bağlı şerlər, mahnılar səsləndirmiş, onun həmişə yaşar xatirəsini əziz tutmuşlar.

Tədbirdə Şəhidin məzun olduğu Suraxanı rayonu, 279 nömrəli tam orta məktəbin direktoru Südabə Abdullayeva çıxış edərək bildirdi ki, məktəbin müəllim-şagird kollektivi öz şəhid məzunu ilə qürur duyur. Şəhidlərin xatirələrinin yaşadılması üçün müxtəlif tədbirlər həyata keçirilir.

YAP Suraxanı rayon təşkilatının məsul əməkdaşı Ənvər Haqverdiyev çıxış edərək xüsusi qeyd etmişdir ki, Birinci Qarabağ müharibəsində şəhid olan Vətən oğulları İkinci Qarabağ müharibəsində qalib ordunun vətənpərvər ruhunun formalaşmasında müstəsna rola mallikdir. Məktəb kollektvinə öz dərin minnətdarlığını bildirən Yerli təşkilatın nümayəndəsi bildirdi ki, Azərbaycanın ərazi bütövlüyünü düşmən tapdağından azad edən Müzəffər Ali Baş Komandan cənab İlham Əliyev və onun Prezidentliyi dövründə yetişən qəhrəman gənclikdir.

Göstərilən diqqət və qayğıya görə şəhidin anası cənab Prezident İlham Əliyevə,  Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər.