Ölkəmizdə kosmik sənaye üzrə müasir infrastruktur yaradılmışdır
Aidə Hacıyeva
YAP Suraxanı rayon təşkilatının üzvü
Suraxanı rayonu 273 saylı körpələr evi və uşaq bağçasının müdiri
2 oktyabr 2023-cü il tarixində Bakı Kongres Mərkəzində 74-cü Beynəlxalq Astronovtika Konqresi keçirildi. Tədbirdə Azərbaycan Respublikasının Prezidenti İlham Əliyev, birinci xanım Mehriban Əliyeva və oğulları Heydər Əliyev iştirak ediblər. 50 il bundan qabaq 1973-cü ildə Bakıda 24-cü Beynəlxalq Astironavtik Konqresi keçirilmişdir. Lakin o zaman biz başqa ölkənin SSRİ tərkibində idik. 50 il sonra Azərbaycanın yenidən ev sahibliyi etməsi böyük rəmzi məna daşıyır. Qürur verici haldır ki, konqres suveren, azad ölkəmizdə keçirilmişdir.
Dünya miqyasında ən mötəbər tədbirlərdən biri olan bu Beynəlxalq Konqresin ikinci dəfə Azərbaycanda keçirilməsi ölkəmizdə kosmik sənayenin inkişafına Beynəlxalq Astironavtika Federasiyası ilə əməkdaşlığın genişləndirilməsinə, qlobal kosmos sənayesinə daha yaxından inteqrasiya etməyə imkanlar yaradır. Azərbaycan 10 ildən artıqdır ki, beynəlxalq kosmik ailənin üzvü olub. Ölkəmizdə kosmik sənaye üzrə müasir infrastruktur yaradılmışdır. İnformasiya təhlükəsiziliyinin vacib komponenti olan telekommunasiya peykləri orbitə buraxılmışdır. Mövcud peyk şəbəkəsi ölkəmizin suverenliyinin qorunması ilə yanaşı, onun sosial və iqtisadi inkişafında böyük dəstək verir. Bununla da Azərbaycan beynəlxalq icmada böyük nüfuz qazanmışdır.
Bu gün ikisi telekomunikasiya , biri isə Yer səthinin müşahidəsi peykinə malik olaraq, Azərbaycanda kosmik sənayenin inkişafı davam edilir. Bu üç peyk azərbaycanlı mütəxəsisslər tərəfindən idarə olunur və onlar 45 ölkəyə xidmət göstərirlər. Müstəqillik dövründə Azərbaycan beynəlxalq ictimaiyyətin fəal üzvünə çevrilib. Azərbaycan çoxsaylı siyasi, iqtisadi və regional inkişaf layihələrdə iştirak edir. 4 ildir ki, Azərbaycan Qoşulmama Hərəkatına sədrlik edir və bu şərəfə 120 dövlətin yekdil qərarı ilə layiq görülüb.
Hər bir ölkə ücün coğrafi yerləşmə böyük əhəmiyyət kəsb edir. Coğrafiya fürsət deməkdir. Əsrlər boyu biz qonşularımız ilə yaxşı münasibətlər qurmuşuq. Əsrlər boyu Azərbaycan çoxmədəniyyətli və çoxkonfesiyyalı cəmiyyətə malik olub. 30 ildən artıq Azərbaycanda yaşayan bütün etnik qrupların və bütün dini konfesiyyaların dinc birgə yaşayışı təmin olunub. Biz bir ailə kimi yaşayırıq.
Ərazi bütövlüyümüzün və suverenliyin bərpasında əldə etdiyimiz təcrübə unikal oldu. Azərbaycan öz beynəlxalq hüququnu bərpa etdi. İndi isə Qafqazda sülh üçün vaxt yetişib. Sülh və birgə əməkdaşlıqlar regionun çiçəklənməsinə, firavan yaşayışa səbəb olacaqdır.
