Şəhid Davud Məmmədlinin xatirəsinin əbədiləşdirilməsi məqsədilə bulaq kompleksinin açılış mərasimi keçirilib

03 oktyabr 2023-cü il tarixdə Əmircan qəsəbəsi şəhidi Məmmədli Davud Fuad oğlunun doğum günü ilə əlaqədar şəhidin xatirəsinin əbədiləşdirilməsi məqsədilə bulaq kompleksinin açılışı olmuşdur.  Açılış mərasimində YAP Suraxanı rayon təşkilatının sədr müavini Salman Əbdülov, Suraxanı rayon İcra Hakimiyyətinin sektor müdiri Elmar Hüseynov, Suraxanı İcra Hakimiyyəti Başçisinin Əmircan Qəsəbəsi üzrə Nümayəndəsi Əlixan Əliyev, Əmircan qəsəbəsi Bələdiyyəsinin sədri Cəmilə Ağayeva, şəhidin ailə üzvləri, yaxınları, şəhidin təhsil aldığı 84 nömrəli tam orta məktəbin müəllim və şagird kollektivi, eləcə də ictimaiyyət nümayəndələri iştirak ediblər. Tədbirdə əvvəlcə Azərbaycanın dövlət himni səsləndirilib, sonra şəhidlərin ruhu bir dəqiqəlik sükutla yad edilib.

Çıxış edənlər şəhidin döyüş yolundan, onun göstərdiyi qəhrəmanlıq, igidlik və şücaətdən söhbət açıblar. Şəhidə bir zamanlar dərs demiş müəllimləri onun hələ uşaq vaxtlarından vətənpərvər ruhda böyüməsindən danışıblar. Sonra şagirdlərin ifasında vətənpərvərlik mövzusunda şeirlər və kompazisiyalar səsləndirilib.

Tədbirdən sonra şəhidin Əmircan qəsəbəsinin Şəhidlər Xiyabanında məzarı ziyarət olunmuşdur.