“Şəhid anılar, Vətən tanınar” adlı tədbir keçirilmişdir
17 yanvar 2025-ci il tarixində Suraxanı rayon Heydər Əliyev Mərkəzinin və “Şəhid ailələri müdafiə cəmiyyəti” Suraxanı rayon şöbəsinin birgə təşkilatçılığı ilə Şəhid Cəfərov Emin Xeyrulla oğlunun anım gününə həsr həsr edilmş “Şəhid anılar, Vətən tanınar” adlı tədbir keçirilmişdir.
Tədbirdə YAP Suraxanı rayon təşkilatının məsləhətçisi Kürsüm Həsənova, “Şəhid ailələri müdafiə cəmiyyəti” Suraxanı rayon şöbəsinin sədri Nəsibə Əliyeva, Əmircan bələdiyyəsinin sədri Cəmilə Ağayeva, Suraxanı rayon Veteranlar Birliyinin üzvü Fikrət Tağıyev, Cəbrayıl rayon “Şəhid ailələri, əlillər və müharibə veteranları ictimai birliyi” - nin sədri Səməd Atakişiyev, ehtiyatda olan zabit Hikmət Ağayev, Şəhid Emin Cəfərovun komandiri Oqtay Əliyev, şəhid ailələri, şəhidin ailə üzvləri, həmçinin şəhidin məzun olduğu 114 saylı tam orta məktəbin müəllim və şagird kollektivi iştirak etmişdir.
Tədbir Azərbaycan Respublikasının Dövlət Himninin səsləndirilməsi, Azərbaycanın ərazi bütövlüyü uğrunda canından keçən şəhidlərimizin ruhunun ehtiramla yad edilməsi ilə başlamış və Şəhid Cəfərov Emin Xeyrulla oğlunun həyat yolundan bəhs edən videoçarxın nümayişi ilə davam etmişdir.
Tədbirdə Suraxanı rayon Heydər Əliyev Mərkəzinin direktoru Xəyalə Mahmudova, YAP Suraxanı rayon təşkilatının məsləhətçisi Kürsüm Həsənova, “Şəhid ailələri müdafiə cəmiyyəti” Suraxanı rayon şöbəsinin sədri Nəsibə Əliyeva, Əmircan bələdiyyəsinin sədri Cəmilə Ağayeva, Suraxanı rayon Veteranlar Birliyinin üzvü Fikrət Tağıyev, Cəbrayıl rayon “Şəhid ailələri, əlillər və müharibə veteranları ictimai birliyi”nin sədri Səməd Atakişiyev, şəhidin bacısı Zümrüd Əbdüləzimova və Əzizağa Cəfərov çıxışlarında əbədiyyət ünvanı olan şəhidlik zirvəsinə yüksəlmiş Vətən oğullarından, ölkəmizin müstəqilliyi, torpaqlarımızın azad olunması naminə ölümü gözə alan gənclərimizin müqəddəs amal uğrundakı mübarizələrindən, şəhidlərimizin,qazilərimizin qəhrəmanlıq salnamələrinin hər kəsin daxilində yüksək vətənpərvərlik, cəsurluq, müsbət əxlaq, milli əqidə yaratmağından və xalqımızın böyüklüyündən bəhs etdilər. İgid qardaşlarımızın qəhrəmanlığı, mübarizliyi, düşməni bir addım da irəli buraxmamaq üçün son damla qanlarına kimi vuruşmaqları, müharibədən sonrakı dövrdə xalqımızın bir-birinə dəstək və təsəllisi, dövlət qayğısı, keçirilən maarifləndirici tədbirlər diqqətə çatdırıldı.
Tədbirin bədii hissəsində şəhidin məzun olduğu 114 saylı tam orta məktəbin şagirdlərinin ifasinda ədəbi-bədii kompozisiya nümayiş etdirildi və beynəlxalq müsabiqələr laureatı, bədii qiraət və muğam müsabiqəsinin qalibi Mehdi Mayısoğlunun ifasında mahnılar təqdim edildi.
