SURAXANI RAYONUNDA YAP ÜZVLƏRİ İLƏ GÖRÜŞLƏR UĞURLA DAVAM EDİR

SURAXANI RAYONUNDA YAP ÜZVLƏRİ İLƏ GÖRÜŞLƏR UĞURLA DAVAM EDİR

Yeni Azərbaycan Partiyası Suraxanı rayon təşkilatının Zığ qəsəbəsi Hətəm Allahverdiyev küçəsi 46 ünvanında yerləşən ərazi partiya təşkilatının üzvlərinin iştirakı ilə toplantı keçirilmişdir. YAP üzvləri ilə görüşdə YAP Suraxanı rayon təşkilatının sədr müavini Salman Əbdülov iştirak etmişdir. Ərazi partiya təşkilatının sədri Ülkər Quliyeva YAP üzvlərini salamlayaraq iclası açıq elan etdikdən sonra iclasın gündəliyində 2 məsələnin – ƏPT-da ideoloji işin gücləndirilməsi, səmərəliliyin artırılması ilə əlaqədar olaraq görülmüş, gələcək perespektivdə görüləcək işlər, yerli təşkilatın təlimatlarının icrası, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat - uçot işlərinin operativ və səmərəli aparılması, ideoloji işin məqsədyönlü qurulması, sosial şəbəkələrdə və dövrü mətbuatda partiya üzvlərinin fəallıqlarının artırılması ilə bağlı və ƏPT-nin sədrinin seçkisi haqqında geniş məlumat verdi.

Daha sonra Ü.Quliyeva Gülşən Yusubovanın ƏPT-nin sədri kimi namizədliyini irəli sürdü. ƏPT-də təmsil olunan üzvlərin səsverməsi nəticəsində G.Yusubova sədr seçilmişdir.

Sonda YAP Suraxanı rayon təşkilatının sədr müavini Salman Əbdülov çıxış edərək bildirmişdir ki, Zığ qəsəbəsi Hətəm Allahverdiyev küçəsi 46 ünvanında yerləşən ərazi partiya təşkilatında partiya işinin təşkili qənaətbəxşdir. Bundan sonra da ideoloji işin gücləndirilməsi, səmərəliliyinin artırılması və üzvlərin uçot operativliyi, dəqiqliyi diqqət mərkəzində saxlanılmalıdır.