“1 İyun – Uşaqların Beynəlxalq Müdafiəsi Günü” münasibətilə bayram tədbiri keçirilib

YAP Suraxanı rayon təşkilatı və “Birlik” İctimai Birliyinin birgə təqdimatında “1 İyun – Uşaqların Beynəlxalq Müdafiəsi Günü” münasibətilə şəhid ailələrinin övladları üçün Sea Breeze ərazisində bayram tədbiri təşkil olunub.
Tədbirdə iştirak edən uşaqlar arasında əvvəlcə padel turniri təşkil olunmuş, daha sonra uşaqlar üçün Polo Cafedə bayram süfrəsi təşkil olunmuşdur. Nahardan sonra uşaqların əyləncəli tədbirində Azərbaycan Respublikasının xalq artisti Röya Ayxan konsert proqramı ilə çıxış etmişdir.

Sonda uşaqlara “The Entertainer” oyuncaq mağazasının hədiyyələri təqdim edilib və tədbir bayram əhval-ruhiyyəsində yekunlaşıb. Bu cür təşəbbüslər şəhid ailələrinin övladlarına dövlətimizin və cəmiyyətin diqqət, qayğısının bariz nümunəsidir.