Suraxanı rayonunda şəhidlərin anım günü ehtiramla yad edilib
Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı 44 günlük Vətən Müharibəsində qəhrəmancasına döyüşərək şəhidlik zirvəsində ucalan, “Vətən uğrunda”, “Füzulinin azad olunmasına görə”, “Xocavəndin azad olunmasına görə” və “Cəbrayılın azad olunmasına görə” medallarına layiq görülən şəhid Əliyev Elvin Bəhruz oğlunun, “Vətən uğrunda”, “Füzulinin azad olunmasına görə” və “Xocavəndin azad olunmasına görə” mmedallarınlayiq görülən Şəhid Məmmədov Dostəli Seymur oğlunun, “Vətən uğrunda”, “Füzulinin azad olunmasına görə” və “Xocavəndin azad olunmasına görə” medallarına layiq görülən şəhid Babayev Əmirxan Mirilham oğlunun anım günləri ehtiramla yad edilib/
Anım günləri ilə əlaqədar Suraxanı Rayon İcra Hakimiyyətinin başçısı Əziz Əzizov, YAP Suraxanı Rayon Təşkilatının sədri Vüqar Seyidov, Rayon Ağsaqqallar Şurasının sədri Arif Babayev, RİHB-nin müavinləri və şöbə müdirləri, şəhid ailələri və qazilər Yeni Suraxanı qəsəbəsindəki Şəhidlər Xiyabanında uyuyan şəhidlərimizin məzarlarını ziyarət edib, vətənimizin bütövlüyü uğrunda canından keçmiş bütün şəhidlərimizin əziz xatirəsini ehtiramla anaraq ruhlarına dualar oxuyub, məzarları üzərinə tər çiçəklər düzüblər.
Rayon İcra Hakimiyyətinin başçısı Əziz Əzizov çıxış edərək bildirib ki, şanlı Azərbaycan ordusu Müzəffər Ali Baş Komandan cənab İlham Əliyevin qətiyyətli rəhbərliyi ilə cəmi 44 gün ərzində düşməni döyüş meydanında məğlub edərək torpaqlarımızı işğalçılardan azad edib. Həmçinin, o, Prezident cənab İlham Əliyevin Qarabağda lokal xarakterli antiterror tədbirlərinin başlanması əmrini şərəflə yerinə yetirmiş Şanlı Ordumuzun dünya hərb tarixində misli-bərabəri olmayan möcüzəyə imza ataraq 1 gün ərzində erməni silahlılarını diz çökdürməsini də qeyd edib.
Həmçinin, YAP Suraxanı Rayon təşkilatının sədri Vüqar Seyidov da Azərbaycan Respublikasının Prezidenti cənab İlham Əliyevin möhkəm iradəsi, xalq-iqtidar birliyi, ordumuzun, şəhidlərimizin qəhrəmanlığı və şücaəti sayəsində vətənimizin bütövlüyünün təmin olunduğunu vurğulayıb.
Şəhidlərimizin ailə üzvləri qəhrəman oğulların adının əbədiləşdirilməsi istiqamətində Suraxanı rayonunda görülən işləri müsbət dəyərləndirib, göstərilən yüksək diqqət və qayğıya görə Azərbaycan Respublikasının Prezidenti İlham Əliyevə, Birinci vitse-prezident Mehriban Əliyevaya və Yeni Azərbaycan Partiyasına öz dərin minnətdarlığını bildiriblər.
