Prezident İlham Əliyevin “Euronews”a əhatəli, informativ və arqumentli müsahibəsi...
Günel Orucova
YAP Suraxanı rayon təşkilatının fəal üzvü
Suraxanı rayonu, 14 saylı uşaq bağçası və körpələr evinin müdiri
Prezident İlham Əliyevin “Euronews”a müsahibəsi digər müsahibələri kimi Azərbaycanın haqlı mövqeyinin bir daha dünyaya çatdırılması baxımından olduqca əhəmiyyətli idi. Ölkə Prezidenti hər zaman olduğu kimi bu müsahibədə də milli maraqlarımız baxımından mühüm mesajlar verib.
Bölgədəki mövcud durumu şərh edən Prezident İlham Əliyev Azərbaycanla Ermənistan arasında sülh yaradılması üçün real imkanlar olduğunu vurğulayaraq bunun yalnız Ermənistanın apardığı siyasətdən asılı olacağını bildirdi. Ermənistanla Azərbaycan arasında aparılan sülh danışıqları prosesinin üç müxtəlif platforma üzərində qurulur, lakin iki ölkə arasında razılaşmanın əldə edilməsinə, sülh müqaviləsinin imzalanmasına mane olan amillər mövcuddur.
Müsahibədə Prezident cənab İlham Əliyev Ermənistanın hərbi-siyasi rəhbərliyinin manevrləri, xarici güc mərkəzlərinin prosesə neqativ təsirləri detallı şəkildə təsvir edir. Həmçinin beynəlxalq təşkilatların Qarabağ münaqişəsinin kökündə dayanan “erməni separatizmi”nə ikili standartlarla yanaşmaları tənqid olunur.
Prezident İlham Əliyevin “Euronews”a müsahibəsinin əhatəli, informativ və arqumentli olması imkan yaradır ki, Avropa auditoriyası Ermənistanla Azərbaycan arasında aparılan sülh danışıqlarının detalları barədə məlumat alsın, həqiqətləri görə bilsin. Bu müsahibə bölgədə cərəyan edən son proseslər fonunda sülh gündəliyinə çox böyük töhfədir əslində.
Eyni zamanda bu cür davamlı müsahibələr Azərbaycan Ordusunun döyüş meydanında əldə etdiyi uğurların siyasi – diplomatik müstəvidə gücləndirilməsi məqsədlərinə xidmət edir. Çünki hərbi uğurların diplomatik cəbhədə davam etdirilməsi hazırkı mərhələdə ən aktual vəzifələrdən biridir”.
Prezident İlham Əliyevin dünyanın ən aparıcı media qurumlarına verdiyi müsahibələr, əslində, Ordumuzun uğurları üçün siyasi təhlükəsizlik çətiri yaradır ki, bu növbəti addımlar üçün yaxşı imkanlar açır. Hər şeydən öncə, məsələnin hüquqi tərəflərinə diqqət çəkən Prezident İlham Əliyevin Ermənistanın işğalçı olduğunu və bu işğal faktının artıq 30 ilə yaxındır ki, davam etdiyini bildirməklə əslində bütün dünyaya həqiqətlərin düzgün formada çatdırılmasının və eyni zamanda tarixi ədalətin bərpa olunmasının necə diqqətə çatdırmaq lazımdır kimi bir daha cəsarətlə və diplomatik manevrlərlə dünyaya çatdırmış oldu.
Azərbaycan bugün bölgədə yeni hərbi-siyasi reallıq yaradıb. Bu kimi mütərəqqi işlərin fonunda sözsüz ki, Cənab Prezidentin qətiyyətli və uğurlu siyasəti, xalqın iqtidarla birliyi kimi reallıqlar dayanır.
