YAP Suraxanı rayon təşkilatının ərazi partiya təşkilatlarında seçki iclasları keçirilir

Yeni Azərbaycan Partiyası Suraxanı rayon təşkilatının Əmircan qəsəbəsi Cabir Əliyev küçəsi 3 ünvanında yerləşən ərazi partiya təşkilatında yerli təşkilatın sədr müavini Salman Əbdülovun iştirakı ilə iclas keçirilmişdir.

ƏPT-nin sədri Əli Əliyev YAP üzvlərini salamlayaraq iclası açıq elan etdikdən sonra ƏPT-də son dövrlər ərzində görülən işlər haqqında ətraflı məlumat vermişdir. Daha sonra bildirmişdir ki, bugünkü iclasın gündəliyində iki məsələ - ƏPT-də uçot işinin daha da təkmilləşdirilməsi və yeni partiya üzvlərinə vəsiqələrin təqdim edilməsi nəzərdə tutulmuşdur.

Yeni Azərbaycan Partiyası Suraxanı rayon təşkilatının sədr müavini Salman Əbdülov çıxış edərək bildirmişdir ki, Əmircan qəsəbəsi Cabir Əliyev küçəsi 3 ünvanında yerləşən ərazi partiya təşkilatında uçot işinin təkmilləşdirilməsi məqsədilə hər rüb ərzində 1 dəfədən az olmamaq şərtilə bütün üzvlərin uçot qeydiyyatı bir daha dəqiqləşdirilməli, yeni üzvlərin, işdən azad olunanların, iş yerini dəyişənlərin, təqaüdə çıxanların, vəfat edənlərin, xaricə köçənlərin, partiyalılığını dəyişənlərin və partiya üzvlüyündən azad olunanların uçot qeydiyyatları operativ şəkildə aparılmalı və yerli təşkilata məlumatlar ötürülməlidir.

Sonda ƏPT üzvləri tərəfindən verilən suallar cavablandırıldıqdan sonra YAP-a daxil olan bir qrup partiya üzvünə vəsiqələr təqdim olunmuşdur.