YAP Suraxanı rayon təşkilatının nümayəndələri Şəhid əsgər Elşən Səmədlinin şəhadətinin ildönümü mərasimində iştirak etmişlər

02 dekabr 2021-ci il tarixdə Suraxanı Rayon İcra Hakimiyyətinin başçısı Əziz Əzizov, Yeni Azərbaycan Partiyası Suraxanı rayon təşkilatının sədri Vüqar Seyidov, Milli Məclisin deputatı Afət Həsənova, digər rəsmi şəxslər, şəhid ailələri, qazilər və şəhidin doğmaları şəhid əsgər Səmədli Elşən Bayram oğlunun şəhadətinin ildönümü münasibəti ilə təşkil olunmuş anım mərasimində iştirak etmişlər.

Öncə şəhid əsgər Elşən Səmədlinin Əmircan qəsəbəsi yerləşən Şəhidlər Xiyabanındakı əbədi istirahətgahı ziyarət edilmiş, məzarı üzərinə güllər düzülmüş və dualar oxunmuşdur. Daha sonra Suraxanı RİH-nin başçısı Əziz Əzizov, YAP Suraxanı rayon təşkilatının sədri Vüqar Seyidov, Milli Məclisin deputatı Afət Həsənova və digər rəsmi şəxslər əsgər Elşən Səmədlinin ailəsinin qayğıları ilə maraqlanmışlar. YAP Suraxanı rayon təşkilatının sədri Vüqar Seyidov şəhidimizin əziz xatirəsini bir daha yad edərək Allahdan rəhmət diləmişdir. Vüqar Seyidov təşkilatın çoxminli üzvləri adından şəhidin ailəsinə Xarıbülbül üzərində şəhidin təsviri toxunmuş xalçanı təqdim etmişdir.

Qeyd edək ki, şəhid əsgər Səmədli Elşən Bayram oğlu Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq sərəncamları ilə “Qubadlının azad olunmasına görə” medalı ilə təltif edilmişdir.

Göstərilən diqqət və qayğıya görə şəhidin ailə üzvləri cənab Prezident İlham Əliyevə,  Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına öz dərin minnətdarlıqlarını bildirmişlər