YAP Suraxanı rayon təşkilatının nümayəndələri şəhid Əli Seyidovun xatirəsinə həsr olunmuş idman tədbirində iştirak etmişlər

YAP Suraxanı rayonu təşkilatının sədri Vüqar Seyidov tədbirdə çıxış edərək bildirmişdir ki, gənclərin asudə vaxtlarının səmərəli təşkilində kütləvi idman tədbirlərinin keçirilməsi böyük əhəmiyyətə malikdir. Şəhid çavuş Əli Seyidovun əziz xatirəsini ehtiramla yad edən Vüqar Seyidov dedi ki, gənclərin sağlam ruhda, vətənpərvər böyüməsi üçün yeni formalaşan gənclik arasında şəhid olmuş vətən oğullarını təbliğ etmək lazımdır. Şəhid çavuş Əli Seyidovun da idmançı olduğunu xüsusi vurğulayan yerli təşkilatın sədri Prezident cənab İlham Əliyevin başlatdığı idman hərəkatı nəticəsində onminlərlə vətənpərvər gənc yetişdiyini və həmin gənclərin Qarabağı və Şərqi Zəngəzuru azad etdiyini ifadə etmişdir.

Qeyd edək ki, Seyidov Əli Rahim oğlu 11.07.1999-cu il tarixdə Bakı şəhərində anadan olmuşdur. Əli Seyidov Vətən Müharibəsi zamanı Suqovuşanın azad olunması uğrunda gedən döyüşlərdə iştirak edərək qəhrəmancasına şəhidlik zirvəsinə ucalmışdır. X.T.Q.-də kəşfiyyatçı çavuş rütbəsində xidmət edən şəhid Seyidov Əli Rahim oğlu ölümündən sonra Azərbaycan Respublikası Prezidentinin müvafiq Sərəncamları ilə “Vətən uğrunda”, “Suqovuşanın azad olunmasına görə”, “Ağdamın azad olunmasına görə”, “Cəsur döyüşçü” və “Vətən müharibəsi iştirakçısı” medalları ilə təltif edilmişdir.