YAP Suraxanı rayon təşkilatı ərazi partiya təşkilatlarında hesabat-seçki yığıncaqları uğurla həyata keçirilir
Yeni Azərbaycan Partiyası Suraxanı rayon təşkilatının Yeni Suraxanı qəsəbəsi Səttar Bəhlulzadə küçəsi 9 ünvanında yerləşən ərazi partiya təşkilatında YAP Suraxanı rayon təşkilatının səlahiyyətli nümayəndələrinin iştirakı ilə hesabat-seçki yığıncağı keçirilmişdir.
Vətən Müharibəsi şəhidlərinin və Ulu Öndər Heydər Əliyevin əziz xatirələrinin bir dəqiqəlik sükutla yad edilməsindən sonra, yığıncağı giriş sözü ilə açan iclasın sədri ƏPT-nın üzvü, partiya veteranı, DİA-nın müəllimi Ədalət Mahmudov qonaqları salamlayaraq YAP-ın cəmiyyətimizin inkişafında oynadığı roldan geniş bəhs etmişdir. ƏPT-nın fəal üzvü Vətən Müharibəsində şanlı Zəfərin qazanılmasında doğma partiyanın birləşdirici rolunu yüksək qiymətləndirmişdir.
Yeni Suraxanı qəsəbəsi Səttar Bəhlulzadə küçəsi 9 ünvanında yerləşən ərazi partiya təşkilatının sədri Haqverdiyev Ənvər Elçin oğlu YAP-ın VI qurultayından bu günə qədər görülmüş işlər haqqında hesabat xarakterli məruzə ilə çıxış etmişdir. Ənvər Haqverdiyev ƏPT-nın tarixinə və bu gününə nəzər salaraq iştirak etdikləri tədbirlər, mətbuatda müəllif yazıları və sosial şəbəkələrdə ƏPT-nın üzvlərin fəallığından geniş söhbət açmışdır. ƏPT-nın sədri ölkə Prezidenti, YAP sədri cənab İlham Əliyevin həyata keçirdiyi daxili, xarici siyasət xəttinə toxunaraq əldə olunan qələbədə Ali rəhbərin ətrafında birləşən YAP üzvülərinin də paylarının az olmadığını ifadə etmişdir. O bildirmişdir ki, YAP üzvləri Ulu Öndər Heydər Əliyevə və onun ən layiqli davamçısı Prezident İlham Əliyevə hər zaman sadiqdirlər. ƏPT-nın hesabat məruzəsi ətrafında müzakirələr aparılmış, çıxışlar edilmişdir. Çıxış edən ƏPT-nın üzvləri Gülayə Səfərli, Nürəddin Quliyev, Gülnar Babayeva, Aytən Həsənova, Vüsalə Qasımova, Aysel Ələkbərzadə, şair Taleh Bayraqdar və Elvin Əhmədli məruzəni yüksək qiymətləndirərək bundan sonra da doğma partiyaya xidmət etməyə hazır olduqlarını bildirmişlər.
Yeni Suraxanı qəsəbəsi Səttar Bəhlulzadə küçəsi 9 ünvanında yerləşən ərazi partiya təşkilatının sədr və sədr müavininin seçilməsi məsələsi müzakirə edilərək qərar qəbul edilmişdir. ƏPT-nın üzvlərinin səs verməsi nəticəsində sədr Haqverdiyev Ənvər Elçin oğlu, sədr müavini Babayeva Gülnar Arif qızı seçilmişlər. ƏPT-nın iclası ilə bağlı protokol tərtib edilmişdir.
Yeni Azərbaycan Partiyası Suraxanı rayon təşkilatının nümayəndəsi Kürsüm Həsənova ərazi partiya təşkilatının üzvlərini salamlayaraq işlərində uğurlar arzuladı. Kürsüm Həsənova yerli təşkilatın fəaliyyəti haqqında geniş məlumat verərək bütün üzvləri ölkədə aparılan islahatlar kursuna səmimi dəstək verməyə səslədi.
Yeni Azərbaycan Partiyası Suraxanı rayon təşkilatının nümayəndəsi Dilarə Əzizova qazilərə, şəhid ailələrinə diqqət və Covid-19 pandemiyası ilə mübarizədə Dövlət başçısı, YAP sədri cənab İlham Əliyevin xidmətlərinə toxunaraq görüş iştirakçılarını proseslərin tərkib hissəsi olmağa səslədi.
Yeni Azərbaycan Partiyası Suraxanı rayon təşkilatının nümayəndələri Kürsüm Həsənova və Dilarə Əzizova Yeni Suraxanı qəsəbəsi Səttar Bəhlulzadə küçəsi 9 ünvanında yerləşən ərazi partiya təşkilatının işini qənaətbəxş hesab etdiklərini bildirdilər. YAP Suraxanı rayon təşkilatının nümayəndələri gələcəkdə həyata keçiriləcək partiya fəaliyyəti, yeni üzvlərin qəbulu, üzvlük haqlarının vaxtında ödənilməsinin təmin edilməsi, qeydiyyat-uçotun səmərəli aparılması, ideoloji işin məqsədyönlü qurulması ilə bağlı öz tövsiyyə və tapşırıqlarını vermiş, ƏPT-nın fəaliyyətində uğurlar diləmişlər.
