Cənab Prezidentin son müsahibəsi mahiyyətinə görə dərin, məzmunca çox geniş olmuşdur
Şəms Həşimova
YAP Suraxanı rayon təşkilatının üzvü
Suraxanı rayonu 208 nömrəli tam orta məktəbin müəllimi
Prezident İlham Əliyevun yerli televiziya kanallarına 10 yanvar 2023-cü ildə verdiyi müsahibə bir mox maraqlı məqamlarla yadda qalmışdır. Dövlətimizin başçısı müsahibədə jurnalistlərin Azərbaycanda 2021-ci ildə sosial- iqtisadi sahələrdə görülən işlərə Azərbaycan ilə Ermənistan arasındakı münasibətlərə işğaldan azad edilmiş ərazilərdə aparılan yenidənqurma işlərinə ölkəmizin xarici siyasətinə və digər məsələlərə dair suallarını cavablandırıb.
Cənab Prezident İlham Əliyevin yerli televiziya kanalları nümayəndələrinə müsahibəsi mahiyyətinə görə dərin, məzmunca çox geniş olub keçdiyimiz yola yekun vurur və gələcək hədəflərimizi müəyyənləşdirdi. Yanvarın 10-da baş tutmuş müsahibə yeni fikirlərə görə əvvəlkilərdən fərqlənirdi. Məsələn. ilk dəfə Cənab Prezident Qərbi Azərbaycandan olan soydaşlarımızın 1988-ci ildə tərk etmək məcburiyyətində qaldıqları yurdlarına, indiki Ermənistana qayıtmaları üçün müvafiq tədbirlərin görüləcəyini bildirdi. Məxsusi olaraq qeyd etdi k, həmin kəndlərdə heç kim yaşamır və azərbaycanlıların ora qayıtması Ermənistanın da marağında olmalıdır. Çünki, Ermənistan regionda yeganə monodövlətdir və müasir dünyada bu müsbət qarşılanmır.
Sərhədlərin delimitasiyası və demarkasiyası məsələlərinə gəldikdə isə, olduqca dəqiq şəkildə ifadə etdi ki, bunda daha çox erməni tərəfi maraqlı olmalıdı. Müharibədən sonra dəfələrlə sərhəd məsələlərinin həllinə cəhd etməyimizə baxmayaraq, ermənilər müxtəlif bəhanələrlə yayınırlar. Hazırkı faktiki sərkədləri biz müəyyənləşdirmişik . Bu isə bizi qane edir.
Sualları cavablandırarkın müvafiq dairələrə olduqca mühüm mesajlar ünvanlayan Prezident müharibə bitsə də, mübarizə hələ davam edir deməklə bərabər, müxtəlif təhdidlərə baxmayaraq bütün bu mübarizənin sonunda yenə də bizim qalib gələcəyimizi özünəməxsus əminliklə vurğuladı.
Dövlətimizin başçısı ötən ilin avqustunda Laçının düşməndən təmizlənməsi, azad edilmiş ərazilərimizdəki bərpa-quruculuq işləri, insanlarımızın həmin yerlərə qayıdışı barədə dedikləri də xeyli təsirli oldu. Prezident bu haqda demişdir: “avqustun 26-da biz Laçına girdik və o unudulmaz anları, unudulmaz hissləri bir daha yaşadım. Bu, doğrudan da həm emosional bir gün idi, həm də qürurverici... Amma onu da bildirməliyəm ki, laçınlılar, xüsusilə Laçın şəhərində yaşayan insanlar, bir qədər ümidsiz idilər. Çünki danışıqlar zamanı, Ermənistan tərəfi Laçını azərbaycana hem qaytarmaq haqqında heç danışmaq da istəmirdilər.Əfsuslar olsun, keçmiş Minsk qrupunun həmsədrləri də hesab edirdilər ki, Laçın rayonu Ermənistana verilməlidir. Ona görə laçınlılar daha ümidsiz idilər... Amma ,məncə, ən tez öz doğma ocaqlarına qayıdanlar laçınlılar olacaq.’’
Laçın-Xankəndi yolundakı ekoaksiyada iştirak edən gənclərimizlə bağlı söylədikləri fikirlər çox əhəmiyyətlidir. İlk növbədə, o gənclərə ,,eşq olsun!’’demişdir. Prezident: ”Onların bizim fəxrimizdir. Gecə-gündüz şaxtalı-qarlı havada oradadırlar öz haqlarını tələb edirlər və bir daha Azərbaycan gəncinin nə qədər yüksək keyfiyyətlərə malik olmasını bütün dünyaya göstərirlər.’’
Göründüyü kimi Azərbaycan Prezidentinin media nümayəndələri və onlar vasitəsilə də xalqla, geniş ictimayyətlə hər təması parlaq məqamlarla yaddaşlara həkk olunur. Bu təmaslar, bu çıxışlar və müsahibələr müasir tariximizi yeni uğurlu səhifələrlə zənginləşdirəcək və Azərbaycanın növbəti qələbələrinin müjdəçisi olacaq.
