Böyük xilaskarın qayıdışı

Sədaqət Əliyeva

YAP Suraxanı rayon təşkilatının üzü

Suraxanı rayonu,146 saylı tam orta məktəbin müəllimi

Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların  əsası qoyulub. Belə günlərdən ən önəmlisi tarixmizə qızıl hərflərlə yazılmış 15 İyun – Milli Qurtuluş günüdür. Bu tarixi yaradan isə Azərbaycanın müstəqilliyi qorunub saxlanılmasında, möhkəmlənməsində, inkişafında müstəsna rol oynayan, daim xalqına arxalanan Heydər Əliyevdir. Heydər Əliyevin adı tariximizə həm də böyük xilaskar kimi düşüb.

XX əsrin sonlarında yenidən müstəqillik qazanmaq kimi tarixi fürsəti əldə edən Azərbaycan qısa vaxtdan sonra onun itirilməsi təhlükəsi ilə üzləşdi. Ölkədə hakimiyyət böhrani 1993-cü ilin iyununda kuliminasiya həddinə çatdı, xaos və anarxiya respublikanı  bürüdü. Vətəndaş müharibəsi dərəcəsinə yüksəlmiş qarşıdurma nəinki, dövlət müstəqilliyimizi, hətta milli varlığımızı belə birbaşa hədəfə aldı.

Ümummilli lider Heydər Əliyev müstəqilliyimizin həmin mərhələsini belə xarakterizə edirdi: “Azərbaycan böyük təhlükə qarşısında idi. Çünki Azərbaycan müstəqil yaşamasının əleyhinə olan həm daxildəki qüvvələr güclü idi, həm də Azərbaycan kimi böyük coğrafi-strateji əhəmiyyətə, zəngin təbii sərvətlərə malik olan ölkənin tam müstəqil olması başqa bəzi dairələri qane etmirdi”.

Cəmiyyətin bütün təbəqələri əmin idi ki, müstəqilliyini yenicə  bərpa etmiş ölkənin düşdüyü ağır və dözülməz vəziyyətdən çıxarmağa qadir yeganə şəxsiyyət məhz Heydər Əliyevdir. Əslində, bu bütün xalqın ürəyinin səsi idi. Xalqımız Heydər Əliyevin ətrafında sıx birləşməklə öz gələcək taleyini özü həll etmək niyyətində idi. Beləliklə,1993-cü il iyunun 9-da Ulu öndər Heydər Əliyev xalqın çağırışına səs verərək Bakıya qayıtdı və Azərbaycan Xalq Cumhuriyyətinin taleyində baş vermiş daha dəhşətli  hadisələrin gözlənildiyi ölkəmizi bəlalardan, müsibətlərdən xilas etdi. Həmin gün, sözün həqiqi mənasında, ölkəmizi taleyində dönüş anı oldu. Böyük qurtuluşa doğru  mühüm addım atıldı. Xalqımızı nicata aparan yol bilavasitə həmin gündən başlandı.

Milli Məclisin 1993-cü il iyunun 15-də  keçirilən iclasındakı  çıxışında Ulu Öndər  Azərbaycan  dövlətçiliyinin gələcək inkişaf strategiyasını elan etdi və  sonrakı illərdə onu həyata keçirdi. Həyatın bütün sahələrində tərəqqi və dirçəliş baş verdi, Heydər Əliyev  dühasının  xidmətləri  olan bu nailiyyətlər Azərbaycanı məhv olmaqdan qurtardı,müstəqilliyimizi  daimi, əbədi, sarsılmaz, dönməz etdi.

Dövlətimizin qorunub saxlanması, azadlığımızın, müstəqilliyimizin qorunub  saxlanılması qurtuluş deməkdir.